Türkiyə Respublikası Mərkəzi Bankı (TCMB) ehtiyat göstəricilərini açıqlayıb.
BBN.az xəbər verir ki, Mərkəzi Bankın ümumi ehtiyatları 24 oktyabr həftəsində 12,9 milyard dollar azalaraq 185,5 milyard dollara enib. Qurumun ehtiyatları bundan öncə, 17 oktyabr həftəsində 198,4 milyard dollarla tarixi maksimum səviyyəyə çatmışdı.
Hesabat dövründə TCMB-nin qızıl ehtiyatları 111,17 milyard dollardan 104,66 milyard dollara düşüb ki, bu da tarixi azalma kimi qeydə alınıb.
Bankın valyuta ehtiyatları isə 87,27 milyard dollardan 80,8 milyard dollara qədər azalıb.