Türkiyənin “Gateway Management Logistics Inc.” şirkəti ilə görüşdə xidmət sahəsində rəqəmsallaşmaya dair fikir mübadiləsi aparılıb.
Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Türkiyənin “Gateway Management Logistics Inc.” şirkətinin İdarə Heyətinin sədri Halis Ali Çakmak ilə görüşüb.
Görüşdə son dövrlərdə iqtisadiyyatın bütün sektorlarını əhatə edən rəqəmsallaşma və onun KOB-lar üçün yaratdığı imkanlar, rəqəmsal həllər üzrə təşəbbüslər, eləcə də viza alınması prosesində peşəkar həllərə dair fikir mübadiləsi aparılıb.