Türkiyə Statistika Ofisi (TURKSTAT) mart ayında Türkiyədə sənaye istehsalının həcmi ilə bağlı hesabat yayınlayıb. Hesabata istinadən, sənaye istehsalı 2019-cu ilin mart ayına nisbətdə 2% azalıb. Sektorlar üzrə nəzər saldıqda isə, mədən və karxana istehsalı üzrə indeks 5.6%, emal sənayesi üzrə indeks 1.9%, energetika üzrə indeks isə 0.9% geriləyib.
2020-ci ilin fevral ayının göstəriciləri ilə müqayisə etdikdə isə, sənaye istehsalında 7.1%-lik geriləmə müşahidə olunur. Aylıq dəyişkənlik mədən və karxana istehsalında 2.2%-lik azalma, emal sənayesi üzrə 7.5%-lik azalma, energetika sahəsi üzrə isə 5.7%-lik azalma ilə səciyyələnir.
Qeyd edək ki, birinci rüb ayı üzrə sənaye istehsalı göstəricisində illik 4.4%-lik artım müşahidə olunub.