Unibank KB ASC-də yeni kadr təyinatı həyata keçirilib.
Bankdan BBN.az-a verilən məlumata görə, Əliyeva Nərgiz Elçin qızı Daxili Audit Departamentinin direktoru vəzifəsinə təyin olunub.
Nərgiz Əliyeva 30 oktyabr 2025-ci il tarixindən etibarən bu vəzifədə fəaliyyətə başlayıb.
O, bundan əvvəl ACDI/VOCA, “Finca Azərbaycan” MMC QBKT və “AccessBank” QSC kimi maliyyə qurumlarında müxtəlif vəzifələrdə çalışıb.
Nərgiz Əliyeva Bakı Dövlət Universitetində Türk dili və ədəbiyyatı ixtisası üzrə bakalavr təhsili alıb, daha sonra Xəzər Universitetində Maliyyə və Kredit ixtisası üzrə MBA magistr dərəcəsini əldə edib.
2023-cü ildən etibarən Certified Internal Auditor (CIA) beynəlxalq sertifikatına malikdir.