Unibank özünüməşğulluq layihəsində qazilərimiz də daxil olmaqla, daha bir neçə vətəndaşımıza dəstək göstərib. Layihə çərçivəsində bank tərəfindən Bakı, Abşeron, Xaçmaz və Bərdədə yaşayan həssas əhali qruplarına şəxsi bizneslərini qurmaq üçün avadanlıqlar təqdim olunub.
Qeyd edək ki, Unibank 4 ildir həssas əhali qruplarının özünüməşğulluq proqramına qoşulub. Əmək və Əhalinin Sosial Müdafiəsi Nazirliyi, Mərkəzi Bank və Azərbaycan Banklar Assosiasiyası arasında imzalanmış Memorandum çərçivəsində banklar şəxsi biznesini qurmaq istəyən həssas əhali qruplarının öz biznes planlarına uyğun olaraq istehsal və ya xidmət avadanlıqları ilə təminatında iştirak edir. Məqsəd həmin şəxslərin kiçik ailə bizneslərini qurmalarına dəstək olmaqdır.
Unibank- Sənin Bankın!