ABŞ mərkəzli topdan və pərakəndə satış nəhəngi “Walmart” işçi heyətini 20 min nəfər artırmağı planlaşdırır. 24 ölkədə 10 mindən çox nümayəndəlik ilə fəaliyyət göstərən bu şirkət açıqlamasında, təchizat zəncirinin təkmilləşdirilməsi məqsədilə heyətin genişləndirildiyini bildirib.
Daimi olaraq işə götürülən yeni heyətin əsas tərkibi kuryerdən yük maşını sürücüsünə logistika sahəsində fəaliyyət göstərən şəxslərdən ibarət olacaq və əsasən məhsulların mərkəzlərdən distribyutorluqlara çatdırılmasına fokuslanacaq.
Qeyd edək ki, ötən il “Walmart” koronavirus pandemiyasının kəskin artımı səbəbindən elektron kommersiya sahəsinin təkmilləşdirilməsi məqsədilə heyətinə 20 min nəfər əlavə edib.