Ötən həftə “World Bank” (Dünya Bankı) Türkiyəyə ilkin yardımın məbləğini açıqlayıb. Bildirilir ki, bank Türkiyənin cənub-şərq bölgəsində baş verən güclü zəlzələnin nəticələrini (bərpa və infrastrukturunun yenilənməsi) aradan qaldırmaqdan dolayı 1.78 milyard dollar maliyyə yardımı ayırıb.
BBN.az worldbank.org-a istinadən xəbər verir ki, World Bank Group-un prezidenti David Malpass isə bildirib ki, “Güclü zəlzələdən dolayı itkilər yaşayan Türkiyə və Suriyaya dərin kədərimizi ifadə edirik”.
Qeyd edək ki, vəsaitin 780 milyon dolları, hazırda Group-un Türkiyədə aktiv olan iki layihəsi vasitəsi ilə əlavə 1 milyard dollar isə World Bank tərəfindən təklif edilib. Bank hazırda ölkədə 30 layihəni icra edir və dəyəri isə 9 milyard dollardır.
Bildirək ki, ötən həftə Türkiyədə 7.8 və 7.6 bal gücündə güclü zəlzələ baş vermişdi. Türkiyədəki zəlzələ XXI əsrin ən ölümcül 7-ci fəlakəti siyahısına daxil olub.