ABŞ fond fyuçersləri İranla davam edən münaqişə fonunda geriləyib. Müharibənin 5-ci gününə keçməsi investorları ciddi narahat edir. S&P 500, Nasdaq və Dow Jones indeksləri enişlə bağlanıb. Neft qiymətləri bu həftə 12%-ə qədər artıb – enerji bazarında risk artır. İnflyasiya qorxuları yenidən gündəmdədir. ABŞ prezidenti Donald Trump Fars körfəzində neft daşımalarının qorunması üçün donanmanın müşayiət edə biləcəyini bildirib. Bu açıqlama bazarlarda qısa müddətli sabitlik yaratsa da, risk iştahı zəif olaraq qalır.
Əsas indekslərin son göstəriciləri isə azalma ilə müşayət olunub:
- S&P 500 – 0.9% azalma
- NASDAQ Composite – 1% azalma
- Dow Jones Industrial Average – 0.8% azalma
Bu həftə açıqlanacaq məşğulluq və Nonfarm Payrolls məlumatları isə bazarın istiqamətini müəyyən edə bilər. Analitiklər xəbərdarlıq edir: Müharibə uzansa, enerji qiymətləri inflyasiyanı daha da yüksəldə və faiz endirimi ümidlərini zəiflədə bilər.