Yapon Yeni (JPY) həftəlik enişini davam etdirərək valyuta bazarlarında ciddi narahatlıq yaradıb. Yen-in məzənnəsindəki kəskin zəifləmə, investorlar arasında Yaponiya hakimiyyətinin valyuta bazarına yenidən müdaxilə edəcəyinə dair ehtimalları gücləndirib. Mütəxəssislərin fikrincə, valyutanın bu sürətli ucuzlaşması ölkənin idxal xərclərini artıraraq daxili iqtisadi sabitliyə təhlükə yaradır. Bazar iştirakçıları Yaponiya Bankı və Maliyyə Nazirliyinin növbəti addımlarını diqqətlə izləyir; rəsmi Tokio daha əvvəl də oxşar vəziyyətdə yenin məzənnəsini dəstəkləmək üçün birbaşa müdaxilələrə əl atmışdı. Hazırda valyuta treyderləri və makroiqtisadi analitiklər, hökumətin valyuta bazarındakı volatilliyi azaltmaq üçün hansı həddə qədər dözümlü olacağını və “qırmızı xəttin” harada keçdiyini müəyyənləşdirməyə çalışırlar.