YouTube oxutma sürətini dəqiq tənzimləmək imkanı,yeni mini video pleyer və yuxu taymeri kimi kimi bir sıra kiçik, lakin lazımlı yeni funksiyalar gətirəcək.
BBN.az bu barədə The Verge.com nəşrinə istinadən xəbər verir.
YouTube-un yeni video sürət nəzarətləri indi sürəti 0,25x artım əvəzinə 0,05x səviyyələrində tənzimləməyə imkan verəcək. Beləliklə, istifadəçilər onlara ən uyğun olan oxutma sürətini müəyyən etmək üçün daha çox seçimə sahib olacaqlar. Ən yüksək oxutma sürəti hələ də 2x ilə məhdudlaşacaq.
YouTube-dan gələn daha bir yenilik mini pleyerlə bağlıdır. İndi yenilənmiş mini pleyerin ölçüsünü və mövqeyini dəyişmək mümkün olacaq.
YouTube-dan daha digər bir yenilik müəyyən müddətdən sonra videoları dayandıra bilən yeni yuxu taymeri funksiyasıdır. Yuxu taymerini 10 dəqiqə ilə bir saat arasında qurmaq mümkün olacaq.
YouTube ilk dəfə bu il Premium abunəçiləri üçün yuxu taymeri funksiyasını sınaqdan keçirdi, lakin indi bu funksiya, bütün mobil istifadəçilər üçün əlçatan olacaq.