Dünya Bankı (DB) Azərbaycanın iqtisadi artım proqnozunu yeniləyib.
BBN.az xəbər verir ki, bu barədə Dünya Bankının qlobal iqtisadiyyatla bağlı hesabatında bildirilib.
DB Azərbaycanda ümumi daxili məhsul (ÜDM) istehsalının 2024-cü ildə 2,3 %, 2025-ci ildə 2,4% artacağını proqnozlaşdırıb. Bu isə Bankın bu ilin yanvar proqnozu ilə müqayisədə 0,1% bəndi azdır. Dünya Bankı, həmçinin, 2026-cı il üzrə də Azərbaycanda iqtisadi artımın 2,4% təşkil edəcəyini açıqlayıb.
Dünya Bankı ümumilikdə Cənubi Qafqaz ölkələrində iqtisadi artımın 2024-26-cı illərdə təxminən 3,5 faiz səviyyəsində sabitləşəcəyini proqnozlaşdırır.