Bu gün Prezident İlham Əliyev tərəfindən həyata keçirilən qətiyyətli siyasət, dövlət proqramları və iqtisadi layihələr Azərbaycan iqtisadiyyatının dayanıqlı inkişafını təmin etməkdədir.
Bunu Nazirlər Kabinetində Prezident İlham Əliyevin Vaşinqton səfərinə həsr olunmuş xüsusi iclasda Baş nazir Əli Əsədov bildirib.
Baş nazirin sözlərinə görə, Prezident İlham Əliyevin 2021-ci ildə təsdiq etdiyi Milli Prioritetlər əsasında hazırlanan 2022–2026-cı illərdə sosial-iqtisadi inkişaf Strategiyası uğurla icra olunur. Hazırda isə 2027–2030-cu illəri əhatə edəcək yeni Strategiyanın hazırlanması istiqamətində işlər aparılır.