ABŞ koronavirus pandemiyası səbəbindən neftə olan tələbatın azalması ilə neft və qaz yataqlarında fəaliyyət göstərən platformalarının sayını 266-ya qədər azaldıb. Bu isə, say baxımından ABŞ tarixində 1975-ci ildən bu yana qeydə alınan ən aşağı göstəricidir. Ötən ilin müvafiq dövrü ilə müqayisədə platformaların sayı 701 ədəd azalıb.
Təkcə bu həftə fəaliyyətini dayandıran 13 platformanın 10-u neft platformasıdır. Bununla da, neft platformalarının sayı 189-a geriləyib. Qeyd edək ki, mart ayının ortaları bu göstərici 683, ötən ilin may ayında isə 807 səviyyəsində olub. Ötən həftə neft platformalarının sayında ən kəskin azalma New Mexico (-28) ştatında qeydə alınıb.
Kanadada isə, ötən il ilə müqayisədə neft və qaz platformalarının sayı müvafiq olaraq 75 və 27 səviyyəsində geriləyib. Hazırda, Kanadada 5 neft və 12 qaz platforması faəliyyət göstərir.