Avtonom süni intellekt agentlərinin yayılması kibersığorta şirkətlərini mövcud sığorta şərtlərinə yenidən baxmağa məcbur edir.
Reuters-in məlumatına görə, MSIG, QBE və Beazley kimi sığortaçılar süni intellekt sisteminin insanın birbaşa əmri olmadan zərərli fəaliyyət göstərməsi halında məsuliyyətin necə müəyyən ediləcəyini qiymətləndirirlər.
Əsas məsələ ondan ibarətdir ki, ənənəvi kibersığorta müqavilələri əsasən insan tərəfindən törədilən hücumlar və ya sistem nasazlıqları üçün hazırlanıb. AI agentlərinin müəyyən edilmiş məqsədi yerinə yetirərkən gözlənilməz qərarlar qəbul etməsi isə yeni hüquqi və maliyyə riskləri yaradır.
Reuters-in məlumatına görə, qlobal kibersığorta bazarının həcmi 2025-ci ildə təxminən 15 milyard ABŞ dolları olub və 2030-cu ilədək 28 milyard dollara çata bilər.
Banklar üçün məsələ xüsusilə aktualdır: AI agenti səhv əməliyyat və ya kibertəhlükə yaratdıqda zərəri kim qarşılayacaq?
Mənbə: Reuters