Azərbaycan Mərkəzi Bankı (AMB) “AtaSığorta” ASC-nin maliyyə vəziyyətinin və aktivlərinin qorunması məqsədilə şirkətə icrası məcburi olan göstəriş verib.
BBN.az AMB-yə istinadən xəbər verir ki, göstərişə əsasən Cəmiyyət tərəfindən yeni öhdəliklərin qəbul edilməsi, öhdəlik yaradan müqavilələrin bağlanması, həmçinin xərc yaradan əməliyyatların aparılması dayandırılıb.
Qeyd edək ki, “AtaSığorta” ASC 2004-cü ildən fəaliyyət göstərir və “AtaHolding” MMC-nin tərkibinə daxildir. Şirkətin nizamnamə kapitalı 8 milyon 255 min 720 manat təşkil edir.
Maliyyə nəticələrinə görə, “AtaSığorta” 2024-cü ili 377 min manat zərərlə başa vurub. Bu göstərici 2023-cü illə müqayisədə 60,1 % və ya 2,5 dəfə azdır.