Azərbaycanda sığorta sektorunda innovativ məhsulların yaradılmasına ehtiyac var.
Bunu Azərbaycan Mərkəzi Bankının (AMB) Sığorta Fəaliyyətinin Tənzimlənməsi Departamentinin direktoru Pənah Bənnayev Bakıda keçirilən “Türk Dövlətləri InsurTech Sammiti 2025” çərçivəsində bildirib.
Pənah Bənnayev deyib ki, sığorta ənənəvi bir sistem olsa da, texnoloji inkişaflar bu sahədə daha sürətli və effektiv həllərin tətbiqini zəruri edir:
“Sığorta sektoru innovativ məhsulların yaradılmasına ehtiyac duyur. Bu, həm rəqabəti artıracaq, həm də xidmət keyfiyyətini yüksəldəcək”.
Onun sözlərinə görə, texnologiya və innovasiyalar fərdi ehtiyaclara uyğun sığorta məhsullarının formalaşmasına imkan yaradır:
“İstehlakçıların razılığı ən vacib amildir. Məhz fərdiləşdirilmiş sığorta həlləri onların məmnuniyyətini artıracaq. Eyni zamanda, insurtechlərin tətbiqi əməliyyat proseslərini optimallaşdırır və xərcləri aşağı salır”.