Avropa İttifaqı smartfon batareyasının ömrü ilə bağlı addım atır.
BBN.az xəbər verir ki, Avropa İttifaqının ətraf mühit və davamlılıq siyasətlərinin mühüm hissəsi hesab olunan və 2023-cü ildə təsdiqlənmiş Batareya Qaydaları çərçivəsində mərhələli keçid prosesi ilə batareyaların ətraf mühitə mənfi təsirinin azaldılması və daha dayanıqlı istifadə dövrünün formalaşdırılması hədəflənir.
Elektron tullantıların azaldılması və təbii resurslardan daha səmərəli istifadənin təmin olunmasını nəzərdə tutan yeni qaydalarla cihazların istismar müddətinin uzadılması, istehlakçıların məhsullardan daha uzun müddət və daha aşağı xərclə istifadə edə bilməsi məqsəd qoyulub. Bu çərçivədə “istifadə et-at” modelindən uzaqlaşaraq təmir edilə bilənlik, yenidən istifadə və təkrar emalı əsas götürən daha dayanıqlı istehsal və istehlak sisteminin qurulması planlaşdırılır.