“Financial Times”ın məlumatına görə Avropa Birliyi Apple Inc. şirkətinə ilk antiinhisar cəriməsini verməyə və rəqabətə mane olduğuna inandığı “App Store” qaydalarını qadağan edə bilər.
BBN.az bu barədə “Financial Times” qəzetinin araşdırmasına istinadən xəbər verir.
2019-cu ildə “Spotify” musiqi xidmətinin “Apple”dan şikayət etməsindən sonra araşdırma başlanılıb. Şikayətdə bildirilib ki, “Spotify” “App Store” tətbiqinin xərclərini ödəyə bilmək üçün aylıq abunə qiymətini artırmağa məcbur olub.
Öz növbəsində, Avropa Komissiyası isə “Apple”ın hərəkətlərini qanunsuz və rəqabət qaydalarına zidd kimi tanımaq niyyətindədir.
“Financial Times”ın adı açıqlanmayan beş mənbəyə əsaslanan xəbər hesabatında təxminən 500 milyon avro (539 milyon dollar) məbləğində cərimənin gələn ay açıqlanacağını söyləyib.
Qeyd edək ki, təxminlərə əsasən “Apple” illik qlobal satışlarının 10 faizi qədər cərimələnə bilər.