Avrozonada dövlət borcunun ümumi daxili məhsula (ÜDM) nisbəti bu ilin ikinci rübündə 88,1 faizə yüksəlib.
BBN.az xəbər verir ki,Avropa Statistika İdarəsi (Eurostat) 2024-cü ilin ikinci rübü üçün Avropa İttifaqı (Aİ) və Avro Bölgəsinin dövlət borcu və büdcə kəsiri məlumatlarını açıqlayıb.
Məlumatlara görə, Avrozonada birinci rübdə 87,8 faiz olan dövlət borcunun ÜDM-ə nisbəti ikinci rübdə 88,1 faizə yüksəlib.
Aİ-də birinci rübdə 81,3 faiz olan dövlət borcunun ÜDM-ə nisbəti ikinci rübdə 81,5 faizə çatıb. Beləliklə, ümumi dövlət borcu Avrozonada 13 trilyon 95 milyard avroya, Aİ-də isə 14 trilyon 300 milyard avroya yüksəlib.
Aİ-yə üzv ölkələr arasında ilin ikinci rübündə dövlət borcunun ÜDM-ə nisbəti ən yüksək olan ölkə 163,6 faiz ilə Yunanıstan olub.