2025-ci ildə Xüsusi Rabitə və İnformasiya Təhlükəsizliyi Dövlət Xidməti (XRİTDX) tərəfindən dövlət qurumları üçün yaradılmış elektron poçt xidməti vasitəsilə ümumilikdə 17 milyon 695 min 349 elektron məktub emal olunub.
BBN.az XRİTDX-in rəsmi məlumatlarına istinadən xəbər verir ki, bu göstərici 2024-cü illə müqayisədə 5 % çoxdur.
Hesabat dövründə emal edilən məktubların 12 milyon 549 min 565-i istifadəçilərə çatdırılıb, 5 milyon 145 min 784 məktub isə zərərli tərkibli olduğu üçün sistem tərəfindən bloklanıb.
Xüsusilə qeyd edilməlidir ki, 2025-ci ilin IV rübündə 2 milyon 215 min 401 elektron məktub zərərli məzmun səbəbilə blok edilib. Bu rəqəm əvvəlki rüblə müqayisədə 40 % artım, 2024-cü ilin eyni dövrü ilə müqayisədə isə 6 dəfə çoxdur.
Qeyd edək ki, 2024-cü ildə dövlət elektron poçt xidmətinə 30 milyon 255 min 757 məktub daxil olub. Onlardan 28 milyon 142 min 767-si istifadəçilərə çatdırılıb, 2 milyon 112 min 990 məktub isə zərərli tərkibli olduğu üçün bloklanıb.