Azərbaycanın bank sektoru bu ilin yanvar-iyul aylarında 858,7 milyon manat xalis mənfəət əldə edib.
Bu, ötən ilin eyni dövrü ilə müqayisədə 25,8 % çoxdur.
Hesabat dövründə bankların əməliyyat gəlirləri 4 milyard 403 milyon manat təşkil edib. Bu göstərici illik müqayisədə 13,25 % artıb.
7 ay ərzində bankların əməliyyat xərcləri 3 milyard 57,1 milyon manat olub ki, bu da 1 il əvvələ nisbətən 9,25 % çoxdur.
Bankların xüsusi ehtiyatlara ayırmaları 273,4 milyon manat təşkil edib və illik müqayisədə 13 % artıb. Gözlənilməz xərclər isə 0,3 milyon manat olub. Ötən ilin eyni dövründə bu istiqamətdə gəlir qeydə alınmışdı.
Yanvar-iyul aylarında bankların mənfəət vergisi üzrə ödəmələri 213,4 milyon manat təşkil edib. Bu, illik müqayisədə 28,8 % artım deməkdir.