Azərbaycanın strateji valyuta ehtiyatları 81,5 milyard dollara yüksəlib
BBN.az xəbər verir ki, bu barədə Azərbaycan Mərkəzi Bankının (AMB) sədri Taleh Kazımov bu gün keçirilən mətbuat konfransında məlumat verib.
Onun sözlərinə görə, ölkənin strateji valyuta ehtiyatları ilin əvvəlindən 10,5 milyard dollar artaraq 2025-ci ilin oktyabr ayına 81,5 milyard ABŞ dolları səviyyəsinə çatıb. Bu göstərici ötən dövrlə müqayisədə 14,7% artım deməkdir.
Taleh Kazımov qeyd edib ki, Mərkəzi Bankın öz valyuta ehtiyatları hazırda 11,3 milyard dollar təşkil edir. Onun vurğuladığı kimi, mövcud strateji ehtiyat həcmi ölkənin 37 aylıq mal və xidmət idxalını maliyyələşdirməyə imkan verir ki, bu da yüksək sabitlik göstəricisi hesab olunur.