“Azərikard” MMC Azərbaycanda MasterCard, Visa, American Express, Diners Club, UnionPay və JCB Beynəlxalq Ödəmə Sistemləri tərəfindən tamamilə sertifikatlaşdırılmış ilk prosessinq mərkəzidir.
Hal-hazırda aktiv olan vakansiya: Hüquqşünas
Tələblər:
– Ali hüquq təhsili;
– Azərbaycan dili səlis, rus və ingilis dilləri yaxşı;
– Ofis proqramları (MS Word, Excel, PowerPoint,Outlook) ilə sərbəst işləmək bacarığı;
– Əməkdaşlıq, məsuliyyətlilik, düzgün analiz bacarıqları, təşəbbüskarlıq, planlaşdırma və təşkiletmə bacarıqları;
– Korporativ hüquq sahəsi üzrə təcrübə;
– Minimum 2 il iş təcrübəsi.
Vəzifələr:
– Sənəd və müqavilələrin hüquqi ekspertizasının həyata keçirilməsi;
– Müqavilələrin hazırlanması, müqavilələrə hüquqi rəylərin verilməsi, öhdəliklərin müəyyən və analiz edilməsi, nəzarət mexanizminin həyata keçirilməsi;
– Struktur bölmələrin iş fəaliyyətində ortaya çıxan hüquqi məsələlərin qanunvericilik çərçivəsində həlli;
– Qanunvericilikdə baş verən yeniliklər üzrə əlavə və dəyişikliklərə dair qanunvericilik buraxılışlarının hazırlanaraq təqdim edilməsi;
– Dövlət orqanı/qurumlarından daxil olmuş qanun layihələri və digər normativ aktların layihələrinə, dəyişikliklərə baxış keçirilməsi, qanunvericiliyin tələbləri və Şirkətin mövqeyi nəzərə alınmaqla, təkliflərin verilməsi;
– Tapşırığa uyğun olaraq Şirkətin fəaliyyəti ilə bağlı olan müxtəlif mövzularda hüquqi arayış və məlumatların hazırlaması;
– İclaslar üzrə Protokolların hazırlanması;
– Məhkəmə və digər dövlət orqanlarına sənədlərin hazırlanması;
– Daxil olan müraciətlərin qanunvericiliklə müəyyən edilmiş müddətlərə riayət etmək şərti ilə cavablandırılmasının təşkili;
– Məhkəmədə və digər dövlət orqanlarında Şirkətin maraqlarının qorunması və təmsili;
– Rəhbərlik tərəfindən həvalə edilən digər vəzifələri icra etmək.
Namizədlərdən CV-lərini “Hüquqşünas” mövzusu ilə hr@azericard.com ünvanına göndərmələri xahiş olunur.
Qeyd: Yalnız tələblərə uyğun olan namizədlər müsahibəyə dəvət olunacaqlar.