Bank VTB (Azərbaycan) ASC-də struktur dəyişikliyi həyata keçirilib. Bu çərçivədə 15 oktyabr 2025-ci ildən Əsgər Elyaz oğlu Kərimov Hüquq Departamentinin direktoru – Baş hüquq inzibatçısı vəzifəsinə təyin olunub.
O, yeni vəzifəsində Bankın Hüquqi təminat idarəsinə, Problemli aktivlərin idarə olunması idarəsinə, həmçinin ümumi metodologiya və korporativ kargüzarlıq istiqamətlərinə nəzarət edəcək.
Əsgər Kərimov əmək fəaliyyətinə 2007-ci ildə “AGBank” ASC-də Hüquq Departamentində hüquqşünas kimi başlayıb. Sonrakı illərdə problemli aktivlər üzrə hüquqi dəstək şöbəsinin müdiri, Məhkəmə və icra işləri departamentinin direktoru olub.
2016–2019-cu illərdə “Solis and Partners” hüquq şirkətinə rəhbərlik edib. 2019-cu ildən Bank VTB (Azərbaycan) ASC-də Hüquq idarəsinin rəisi vəzifəsini icra edib.
Ə.Kərimov beynəlxalq hüquq ixtisası üzrə fərqlənmə diplomu ilə bakalavr dərəcəsinə malikdir, 18 illik peşəkar təcrübəsi var və 2018-ci ildən Azərbaycan Vəkillər Kollegiyasının üzvüdür.