Bu ilin yanvar–noyabr aylarında “Bakı Fond Birjası” QSC-də (BFB) bütün maliyyə alətləri üzrə bağlanmış əqdlərin ümumi dəyəri 58 milyard 173,391 milyon manat təşkil edib.
BFB-dən verilən məlumata görə, bu göstərici ötən ilin eyni dövrü ilə müqayisədə 8,7% azalıb.
Hesabat müddətində bağlanmış əqdlərin sayı isə 2,5 dəfə azalaraq 26 785 olub.
BFB-də dövriyyənin 80,5%-i (46 milyard 818,221 milyon manat) repo əməliyyatlarının payına düşüb ki, bu da illik müqayisədə 16,1% azalma deməkdir.
Yanvar–noyabr aylarında dövlət qiymətli kağızları üzrə əqdlərin dəyəri 57% artaraq 9 milyard 153,04 milyon manata, korporativ qiymətli kağızlar üzrə əqdlərin dəyəri isə 5,5% artaraq 2 milyard 202,13 milyon manata çatıb.