Böyük Britaniyanın ən böyük ictimai şirkətlərinin rəhbərlərinin yalnız 25-dən 1-i qadın baş icraçı direktordur (CEO). Buradan belə nəticəyə gəlmək olar ki, kişi idarəçilər isə 96% təşkil edib.
BNN.az SKY.com-a istinadən xəbər verir ki, konsultasiya şirkəti “The Pipeline”dən isə deyiblər ki, buna baxmayaraq ümumi işəqəbul zamanı 50:50 nisbəti gözlənilir.
CEO vəzifəsində isə qadınlara nisbətən kişilər dominatlıq edir. Hesabatda CEO-ya qədər çalışan dörd idarəçidən üçünün kişi olduğu ortaya çıxıb. FTSE 350-də (350 şirkətin yer aldığı stok market) maliyyə rəhbərlərinin 82%-nin isə kişi olduğu aydın olub.
Hesabatda qeyd edilib ki, CEO-su qadın olan şirkətlərin əsas idarə heyətində qadınların sayı 63%, kişi CEO-larında isə cəmi 14% olub.
Women Count 2022 hesabatına, əsasən FTSE 350-də idarə komitəsi üzvlərinin ¾-ü kişidir, ¼-i isə qadındır. Şirkətlərin 10%-nin idarə komitəsində demək olar ki, qadın yer almır. Qeyd olunan 350 şirkətin 70%-də isə əsas idarə heyətində qadın icraçı direktor yoxdur.