İndiyədək Qara Dəniz Ticarət və İnkişaf Bankı (BSTDB) Azərbaycana ayırdığı vəsaitlərin həcmini artıraraq 701,614 milyon avroya çatdırıb.
Bu göstərici əvvəlki dövrlə müqayisədə 93,579 milyon avro və ya 15,4 % artım deməkdir.
Hesabata əsasən, ayrılan vəsaitlər ümumilikdə 42 əməliyyat üzrə reallaşdırılıb.
Hazırda BSTDB-nin Azərbaycanda Direktorlar Şurası tərəfindən təsdiqlənmiş 44 layihəsinin ümumi dəyəri 442,173 milyon avro təşkil edir. İmzalanmış sazişlərin həcmi isə 46 layihə üzrə 439,58 milyon avroya çatır. Bu göstəricilər əvvəlki dövrlə müqayisədə müvafiq olaraq 11,379 milyon avro (2,6 %) və 71,043 milyon avro (19,3 %) artım göstərib.
Bankın Azərbaycan üzrə portfelində əsas pay maliyyə institutlarının üzərinə düşür – 49,37 %. Sonrakı yerlərdə enerji sektoru (35,88 %), daşınmaz əmlak (7,04 %), istehlak yönümlü sektor (3,99 %) və istehlak malları sektoru (3,72 %) qərarlaşıb.