Koronavirus pandemiyasından təmassız kartlarla ödəniş istehlakçılar üçün bir alternativ olsa da, hazırda bir çox ölkələrdə bu tendensiya zəruriyyətə çevrilməyə başlayıb. Daha çox təmassız və virtual kartların istifadəyə verilməsi, maliyyə qurumlarının istehlakçıları təmassız ödənişlərə təşviq etməsi və bir çox ölkələrdə təmassız ödənişlərin üst hədd limitinin artırılması bunun doğruluğunu sübut edir.
Beynəlxalq araşdırma şirkəti olan “ABIresearch” 2020-ci ildə təmassız ödəniş konsepsiyasının dünya əhalisi tərəfindən mənimsənilməsinin pandemiyadan əvvəl ehtimal ediləndən 6%-8% daha çox olacağını proqnozlaşdırıb. Həmçinin, təmassız kart buraxılışının ötən ilə nəzərən 14% daha çox olması və dövriyyədə ümumi ödəniş kartlarının 65%-lik hissəsini əhatə etməsi ehtimal edilir. Digər bir sözlə, 2020-ci ildə gözləniləndən əlavə daha 110 milyon təmassız ödəniş kartının istifadəyə verilməsi proqnozlaşdırılıb .