İran ətrafında davam edən münaqişə və enerji qiymətlərindəki artım fonunda Avropa Mərkəzi Bankının (ECB) iyun ayında faiz dərəcələrini artıracağı proqnozlaşdırılır.
“Bloomberg”in 9–15 aprel tarixlərini əhatə edən iqtisadçı sorğusuna əsasən, dörddəbir bəndlik faiz artımı gözlənilir və bu addımın böyük ehtimalla yeganə artım olacağı qeyd olunur.
Sorğunun nəticələrinə görə, inflyasiyanın cari ildə 2,8 faizə yüksələcəyi ehtimal edilir. Bu göstərici əvvəlki 2 faizlik proqnozdan daha yüksəkdir. Eyni zamanda, inflyasiyanın 2026-cı ildə 2,1 faizə, 2027-ci ildə isə ECB-nin hədəfi olan 2 faizlik səviyyəyə enəcəyi gözlənilir.
Məlumata görə, ECB rəsmiləri aprel ayının sonunda keçiriləcək iclasda faiz dərəcələrini sabit saxlamağa daha çox meyllidirlər. Bununla belə, bəzi üzvlər, xüsusilə Bundesbank rəhbəri Yoahim Nagel, bu mərhələdə faiz artımı ehtimalını tam istisna etmir.
İnvestorlar isə daha sərt pul siyasəti gözləntilərini gücləndiriblər və maliyyə bazarlarında il ərzində iki faiz artımının artıq qiymətlərə daxil edildiyi bildirilir.
Mənbə: Banco.az