Bu ilin yanvar-sentyabr aylarında Azərbaycanda əsas kapitala 13 milyard 048,1 milyon manat məbləğində və ya ötən ilin eyni dövrü ilə müqayisədə 1 % çox investisiya yönəldilib.
Dövlət Statistika Komitəsi-nin məlumatına görə, neft-qaz sektoruna yatırılan investisiyaların həcmi 11,5 % azalıb, qeyri-neft-qaz sektoruna yatırılan investisiyaların həcmi isə 7 % artıb.
İstifadə olunmuş investisiyanın 6 milyard 647,6 milyon manatı (51 %-i) məhsul istehsalı sahələrinə, 4 milyard 298,5 milyon manatı (32,9 %-i) xidmət sahələrinə, 2 milyard 102 milyon manatı (16,1 %-i) isə yaşayış evlərinin tikintisinə yönəldilib.
Əsas kapitala yönəldilmiş investisiyaların 10 milyard 057,3 milyon manatı və ya 77,1 %-i daxili investisiyaların payına düşüb. Ümumilikdə investisiyaların 10 milyard 280,2 milyon manatı (78,8 %-i) tikinti-quraşdırma işlərinə sərf olunub.