Alphabet (Google-un ana şirkəti) süni intellekt bölməsində genişmiqyaslı kadr və struktur dəyişiklikləri elan edib.
Yeniliklərə əsasən, Nobel mükafatçısı və Google DeepMind-ın həmtəsisçisi Demis Hassabis gündəlik idarəçilikdən ayrılaraq Alphabet-in baş alimi (Chief Scientist) və DeepMind-ın sədri təyin olunub. O, bu addımı süni ümumi intellektin (AGI) yaxınlaşması və strateji hədəflərə tam fokuslanmaq zərurəti ilə izah edib. DeepMind-ın gündəlik əməliyyatlarına isə qurumun keçmiş texnoloji direktoru Koray Kavukcuoglu rəhbərlik edəcək.
Bununla yanaşı, Google-un aparıcı mütəxəssislərindən olan Jeff Dean, Sanjay Ghemawat, Oriol Vinyals və Quoc Le şirkətdən ayrılaraq “Discovery Loop” adlı yeni süni intellekt startapı təsis ediblər. Baş verən bu kadr hərəkətliliyi və yeni model buraxılışlarındakı gözləmələr fonunda investorların narahatlığı şirkət səhmlərində qismən dəyəritkisinə səbəb olub.