Bu ilin yanvar-may aylarında İpoteka və Kredit Zəmanət Fondunun (İKZF) xətti ilə 200 milyon manat ipoteka krediti verilib.
BBN.az Azərbaycan Mərkəzi Bankına (AMB) istinadən xəbər verir ki, bu göstərici ötən ilin eyni dövrü ilə müqayisədə 2,2 % azdır.
Məlumata görə, hesabat dövründə Fondun yenidən maliyyələşdirdiyi kreditlərin həcmi də azalıb. Belə ki, bu göstərici illik müqayisədə 33,3 % azalaraq 100,4 milyon manat təşkil edib.
Bundan başqa, son bir ildə İKZF-nin istiqraz buraxılışı yolu ilə cəlb etdiyi vəsaitin həcmi 39,4 % azalaraq 200 milyon manata düşüb.
Eyni zamanda, Fonda dövlət büdcəsindən ayrılan vəsait dəyişməyərək 42,6 milyon manat səviyyəsində qalıb.