ABŞ-ın müttəfiqlərindən biri olan Misir Rusiyaya Ukrayna müharibəsində kömək üçün 40.000 raketin hazırlanması ilə bağlı tapşırıq verib.
BBN.az NBC News TV kanalına istinadən xəbər verir ki, bu haqda mediaya sızdırılan dövlət əhəmiyyətli məxfi məlumatlarda bildirilib. Əlavə edilib ki, bununla bağlı olaraq ölkə prezidenti Abdel Fattah El-Sisi tapşırıq verib.
Qeyd edək ki, Misirin eyni zamanda Rusiya ilə də əlaqələri yaxşıdır, ancaq ABŞ Misirə, həm iqtisadi, həm də hərbi dəstək göstərən ölkələrin birincisidir. Internatonal Monetary Fund (IMF), World Bank Misirə maliyyə yardımları edən təşkilatlar sırasına daxildir. NBC News TV-də yayımlanan məlumata əsasən son 4 onillik ərzində Misir ABŞ-dan 50 milyard dollar dəyərində hərbi və 30 milyard dollar iqtisadi yardım əldə edib.
Öz növbəsində, Misir məlumatı təkzib edib, ABŞ tərəfindən isə rəsmi bir açıqlama edilməyib.