“Euromonitor International Analytics” qlobal iqtisadi inkişafla bağlı “Global Economic Forecasts: Q4 2021” dövrü hesabatını yayınlayıb. Hesabatda beynəlxalq iqtisadiyyat üçün gələcək illərin proqnozları azalan tendensiya ilə göstərilib.
Ümumi olaraq nəzər saldıqda, 2020-ci ildə koronavirus pandemiyasının intensiv sürətdə dünya iqtisadiyyatını iflic vəziyyətə salması ilə əlaqədar olaraq inflyasiya göstəricilərində yaranan geriləmə (1.9%) ilə müqayisə etdikdə, göstəricilər fərqli olsa da, ildən ilə inflyasiyanın zəifləməsini də müşahidə etmək mümkündür. Belə ki, 2021-ci il üçün 3% səviyyəsində proqnozlaşdırılan qlobal inflyasiya 2022 və 2023-cü illərdə müvafiq olaraq 2.5% və 2.1% səviyyələrinə geriləcəyək. İEOÖ ölkələrində isə bu göstəricilər müvafiq olaraq 5.3% (2021), 4.9% (2022) və 4.3% (2023) tendensiyası ilə davam edəcək.
Digər ölkələrin istehlak qiymətləri indeksi ilə aşağıdakı cədvəldən tanış ola bilərsiniz.
| Ölkə/İnflyasiya (%-lə) | 2020 | 2021p | 2022p | 2023p |
| ABŞ | 1.3 | 4.7 | 3.7 | 2.8 |
| Avrozona | 0.3 | 2.3 | 1.9 | 1.7 |
| Almaniya | 0.5 | 3 | 2 | 1.8 |
| Birləşmiş Krallıq | 0.9 | 2.5 | 3.2 | 2.5 |
| Yaponiya | 0 | 0.2 | 0.5 | 0.8 |
| Çin | 2.4 | 1.2 | 2.2 | 2.3 |
| Hindistan | 5.6 | 5.3 | 5 | 4.8 |
| Rusiya | 3.4 | 6.5 | 5 | 4.3 |