“Instagram” sosial şəbəkəsi formatını dəyişərək əsas səhifəsindəki paylaşımları kvadrat əvəzinə düzbucaqlı edəcək.
BBN.az xəbər verir ki, bu barədə sosial şəbəkənin rəhbəri Adam Mosseri öz səhifəsində bildirib.
“Bilirəm ki, bəziləriniz kvadratları çox sevirsiniz. Kvadrat fotoşəkillər bir növ “Instagram”ın irsidir. Amma hazırda yüklənən foto və videoların çoxu vertikaldır. Onları çox da kəsmək heyifdir”-deyə Adam Mosseri bildirib.
Həmçinin Adam Mosseri, dəyişiklik “bir az ağrılı” ola bilər, amma keçəcək”-deyə etiraf edib.”Düşünürəm ki, insanlar uzunmüddətli perspektivdə onların fotolarının və daha çox videolarının aqressiv şəkildə kəsilməkdənsə, olduğu kimi profildə göründüyünə sevinəcəklər”, – deyə o vurğulayıb.