2026-cı ilin iyun ayında Azərbaycanda mobil cihazlar bazarında ən böyük pay “Samsung” brendinə məxsus olub. “Statcounter” agentliyinin açıqladığı son statistikaya əsasən, şirkətin bazar payı 43,84 % təşkil edib. Bu göstərici may ayı ilə müqayisədə 12,78 faiz bəndi, ötən ilin eyni dövrü ilə müqayisədə isə 12,92 faiz bəndi artıb.
Bazarın ikinci ən böyük iştirakçısı olan “Xiaomi” iyun ayında 26,74 % paya sahib olub. Brendin bazar mövqeyi aylıq müqayisədə 5,46 faiz bəndi, illik müqayisədə isə 1 faiz bəndi yüksəlib.
Üçüncü yerdə qərarlaşan **”Apple”**ın bazar payı 15,59 % təşkil edib. Şirkətin göstəricisi may ayı ilə müqayisədə 5,69 faiz bəndi artsa da, ötən ilin iyun ayı ilə müqayisədə 3,76 faiz bəndi geriləyib. Bununla da **”Apple”**ın bazar payında azalma ardıcıl ikinci aydır davam edir və ümumi geriləmə 40 %-ə çatıb.
Reytinqdə növbəti sırada yer alan və adları açıqlanmayan digər brendlərin ümumi bazar payı 6,39 % olub. Bu kateqoriya üzrə göstərici aylıq müqayisədə 10,88 faiz bəndi, illik müqayisədə isə 10,73 faiz bəndi azalıb.
İlk beşliyi isə “Huawei” tamamlayıb. Şirkətin bazar payı 3,08 % təşkil edib. Bu göstərici may ayı ilə müqayisədə 1,08 faiz bəndi, ötən ilin eyni dövrü ilə müqayisədə isə 2,32 faiz bəndi artım nümayiş etdirib.