“Kapital Bank” ASC-nin rəhbərliyində mühüm kadr dəyişikliyi baş verib.
Banker.az-ın məlumatına görə, İlya Arxipov bankın Müşahidə Şurasının üzvü seçilib.
Bununla da o, Cəlal Qasımovnu əvəz edib. Cəlal Qasımov Şurada PASHA Holding MMC-ni təmsil edirdi.
Hazırda “Kapital Bank”ın Müşahidə Şurasına Fərid Məmmədov sədrlik edir. Şuranın digər üzvü Oqtay Həsənovdur.
Bundan başqa, Aleksey Marey və Marqarita Koşman Müşahidə Şurasında müstəqil üzvlər qismində təmsil olunurlar.
Qeyd edək ki, bundan əvvəl İlya Arxipovun PAŞA Sığorta ASC-nin Direktorlar Şurasının sədri vəzifəsinə təyin olunması barədə məlumat yayılmışdı.