AMB-dən verilən məlumata görə, qərar sentyabrın 10-da açıqlanacaq. Xatırladaq ki, Mərkəzi Bank sonuncu dəfə iyulun 23-də uçot dərəcəsini 7,25%-dən 7%-ə endirib. Bu, son bir ildə ilk azaldılma qərarı olub.
Qurum bildirib ki, cari ildə inflyasiya proqnozunun davamlı olaraq hədəfdə qalması və valyuta bazarında sabitliyin qorunması pul siyasətinin yumşaldılması üçün şərait yaradıb. Faiz dəhlizinin parametrləri ilə bağlı növbəti qərarlar faktiki və proqnozlaşdırılan inflyasiya, həmçinin xarici və daxili risk amillərinin dinamikasından asılı olacaq.
Qeyd edək ki, Niderlandın ən böyük maliyyə qruplarından biri olan ING avqust ayının əvvəlində AMB-nin uçot dərəcəsini qarşıdakı bir ildə sabit saxlayacağını proqnozlaşdırıb. Bundan əlavə, “Trading Economics” beynəlxalq iqtisadi statistika portalı da AMB üzrə yenilənmiş proqnozunda ilin üçüncü və dördüncü rübü üzrə göstəricini 7,25%-dən 7%-ə endirib.