Yeni müştəri təcrübəsi yaratmaq istəyən beynəlxalq ödəniş texnologiyaları şirkəti Mastercard transsərhəd köçürmələrdə yeni, innovativ həllərdən biri olan kripto istifadəçi təsdiq sistemini yaratdığını elan edib.
BBN.az Mastercard-ın rəsmi səhifəsinə istinadən xəbər verir ki, şirkətin belə bir həll yolu təqdim etməsinə səbəb isə sürətli və təhlükəsiz kriptovalyuta köçürmələrinə olan tələbin artması ilə bağlı olub.
Beynəlxalq ödəniş texnologiyaları şirkətindən qeyd ediblər ki, onlar blokçeyn köçürmələrinə daha çox etibar gətirirlər. Belə ki, şirkət aprelin 29-da özünün yeni “Mastercard Crypto Credential” (Matercard Kripto İnformasiya) sistemini yaradıblar: “Bu, kripto köçürmələrdə ümumi standart və infrastrukturu ehtiva edir ki, bu da müştərilər və biznesləri blokçeyn şəbəkələrinə olan inamının artırılmasına gətirib çıxaracaq”, – deyə Mastercard-dan qeyd ediblər.