Naxçıvan Muxtar Respublikasında “ƏDV geri al” layihəsi çərçivəsində indiyədək istehlakçılara 5,3 milyon manat dəyərində ƏDV geri ödənilib.
BBN.az xəbər verir ki, 2026-cı ilin yanvar-iyul aylarında geri qaytarılan ƏDV-nin məbləği 1,2 milyon manat təşkil edib. Bu isə ötən ilin eyni dövrü ilə müqayisədə 19 % çoxdur.
Ümumilikdə, cari ilin ilk 7 ayı ərzində Azərbaycanda pərakəndə ticarət və iaşə obyektlərindən alınan mallara, həmçinin layihənin əhatə etdiyi müəyyən xidmətlərə görə ödənilmiş ƏDV-nin 122 milyon 86,6 min manatlıq hissəsi fiziki şəxslərə geri qaytarılıb.
Qeyd edək ki, “ƏDV geri al” mexanizmi neft və qaz məhsullarına, avtomobillərə, alkoqollu içkilərə və tütün məmulatlarına şamil edilmir.
Bununla yanaşı, layihə çərçivəsində teatr tamaşaları və film nümayişləri, muzey ziyarətləri, simfonik orkestr konsertləri, müəyyən tibbi xidmətlər, eləcə də işğaldan azad edilmiş ərazilərdə yerləşən hotellərdə gecələmə xidmətlərinə görə ödənilən ƏDV-nin müəyyən hissəsi də istehlakçılara geri qaytarılır.