Nazirlər Kabineti 1 may 2000-ci il tarixli qərarı ilə təsdiq edilmiş “İcra məmurlarının fəaliyyətinə nəzarət Qaydası”nda dəyişiklik edib.
Bununla bağlı Baş nazir Əli Əsədov yeni qərar imzalayıb.
Dəyişikliyə əsasən, bundan sonra elektron hərracların, eləcə də dəyəri 5 000 manatdan az olan daşınar əmlakın Dövlət satınalmaları haqqında qanun tələblərinə uyğun müəyyən edilən elektron ticarət platformaları vasitəsilə satışı üçün sifarişlərin verilməsi və tələblərin təmin edilməsinin növbəliliyi öyrəniləcək.
Əvvəllər isə hərracların və ya dəyəri 5 000 manatdan artıq olmayan daşınar əmlakın icra xidmətinin müəyyən etdiyi ticarət şəbəkələrində satışı üçün sifarişlərin verilməsi və tələblərin təmin edilməsinin növbəliliyi araşdırılırdı.