26 dekabr – BBN.az
Cümə axşamı Körfəz ölkələrinin əksər fond bazarlarında eniş müşahidə olunub. Milad bayramı ilə əlaqədar xarici investorların bazardan kənarda qalması və ticarət həcmlərinin zəif olması fonunda neft qiymətlərindəki geriləmə satışları gücləndirib.
Reuters-in məlumatına görə, regionun maliyyə bazarları üçün əsas göstərici sayılan neft çərşənbə günü cüzi ucuzlaşıb və 2020-ci ildən bəri ən kəskin illik azalma istiqamətində hərəkət edir. İnvestorlar ABŞ iqtisadi artımının neft tələbinə mümkün təsirlərini qiymətləndirir, eyni zamanda Venesuela və Rusiya ilə bağlı təchizat risklərini izləyirlər.
Analitiklər bildirirlər ki, neft qiymətlərinin zəifləməsi xüsusilə Səudiyyə Ərəbistanı, Qətər, BƏƏ və Küveyt bazarlarında investor fəallığını azaldıb.
Qeyd edək ki, Körfəz ölkələrinin fond bazarları neft gəlirlərindən yüksək dərəcədə asılıdır və qiymətlərdəki dəyişikliklər birbaşa səhm indekslərinə təsir göstərir.