Neft ixrac edən ölkələrin alyansı — OPEC+ son iclasında hasilatı noyabr ayından etibarən gündəlik 137 min barel artırmaq barədə qərar qəbul edib. Qərar gözlənildiyindən daha yumşaq artım kimi qiymətləndirilir və bazarlarda sabitləşməyə səbəb olub.
BBN.az xəbər verir ki, qrupun bəyanatında qeyd olunur ki, hasilatın məhdud artımı bazarda təklifi tədricən artırmaqla qiymətlərin kəskin dalğalanmasının qarşısını almağa yönəlib. Qərarın ardınca Brent markalı neftin qiyməti barrel üçün 65 ABŞ dollarından yuxarı səviyyədə qalmaqda davam edib.
Analitiklər bildirirlər ki, bu addım həm inflyasiyanın qarşısını almaq, həm də qlobal enerji sabitliyini qorumaq baxımından müsbət siqnal kimi qiymətləndirilir. Xüsusilə ABŞ Prezidenti Donald Tramp hasilatın artırılmasını dəstəkləyib, bunu qiymətlərin sabitləşməsi və Rusiya enerji gəlirlərinin azalması baxımından önəmli addım adlandırıb.
Qərar həmçinin enerji idxalçısı ölkələr üçün də rahat nəfəs imkanı yaradıb. Ekspertlərin fikrincə, bazarda sərt artım deyil, mərhələli artım strategiyası OPEC+ üçün optimal balans yaradır.