Paytaxtda orta aylıq əməkhaqqı 1 385 manatı ötüb.
2026-cı ilin yanvar-aprel aylarında Bakıda muzdla çalışan işçilərin orta aylıq nominal əməkhaqqı 1 385,9 manat olub.
Məlumata görə, paytaxt üzrə orta əməkhaqqı ötən ilin eyni dövrü ilə müqayisədə 7,8 faiz artım göstərib.
Qeyd edək ki, hesabat dövründə ölkə üzrə muzdlu işçilərin orta aylıq nominal əməkhaqqı da yüksələrək 1 172,1 manata çatıb. Bu göstərici 2025-ci ilin yanvar-aprel ayları ilə müqayisədə 6,5 faiz çoxdur.