2026-cı ilin yanvar-iyun aylarında İqtisadiyyat Nazirliyi yanında Dövlət Vergi Xidməti vasitəsilə dövlət büdcəsinə 8 milyard 842,7 milyon manat vergi daxil olub. Bu göstərici müəyyən edilmiş proqnozu 217,7 milyon manat üstələyib.
Məlumata görə, ötən ilin eyni dövrü ilə müqayisədə vergi daxilolmaları 139 milyon manat və ya 1,6 faiz artıb.
Hesabat dövründə qeyri-neft-qaz sektorundan dövlət büdcəsinə 7 milyard 67,4 milyon manat vergi ödənilib. Bu sahə üzrə daxilolmalar proqnozdan 199,4 milyon manat çox olub. Eyni zamanda, qeyri-neft-qaz sektorundan vergi daxilolmaları ötən ilin müvafiq dövrü ilə müqayisədə 645,8 milyon manat və ya 10,1 faiz artım nümayiş etdirib.