ABŞ və İran arasında əldə olunan iki həftəlik müvəqqəti atəşkəs razılaşması qlobal bazarlarda risk iştahını artırsa da, qızıl qiymətləri gözlənilənin əksinə olaraq bahalaşmağa davam edir. İnvestorlar atəşkəs xəbərini ilkin mərhədə müsbət qarşılasalar da, razılaşmanın müvəqqəti xarakter daşıması və geosiyasi qeyri-müəyyənliyin tam aradan qalxmaması “etibarlı liman” olan qızıla tələbatı yenidən canlandırıb. Hazırda qızılın bir unsiyası qlobal birjalarda əhəmiyyətli artım nümayiş etdirərək strateji müqavimət səviyyələrinə doğru irəliləyir.
Analitiklər bildirirlər ki, qızılın bahalaşmasına təsir edən digər mühüm amil dolların beynəlxalq bazarlarda zəifləməsidir. Atəşkəs fonunda ABŞ dollarının digər əsas valyutalar qarşısında dəyər itirməsi, xarici investorlar üçün qızılı daha cəlbedici hala gətirib. Eyni zamanda, bazar iştirakçıları bu müvəqqəti sakitlik dövrünü inflyasiya risklərinə qarşı sığortalanmaq üçün bir fürsət kimi görürlər. Ekspertlərin rəyinə görə, əgər atəşkəs rejimi pozularsa və ya danışıqlarda gərginlik yenidən artarsa, qızıl qiymətlərində yeni tarixi rekordların qırılması qaçılmaz ola bilər.