Dünya birjalarında qızılın qiyməti eniş nümayiş etdirir və həftəni zəif göstəricilərlə tamamlamağa hazırlaşır. İnvestorlar üçün “təhlükəsiz liman” sayılan bu qiymətli metal, ABŞ-İran münasibətlərindəki qeyri-müəyyənlik və qlobal faiz dərəcələri ilə bağlı davam edən narahatlıqlar fonunda öz cazibəsini qismən itirir.
ABŞ Federal Ehtiyat Sisteminin (Fed) inflyasiyanı cilovlamaq üçün faiz dərəcələrini yüksək saxlamaq və ya artırmaq ehtimalı qızılın qiymətinə mənfi təsir göstərir. Belə ki, faizlərin yüksək olduğu mühitdə, gəlir gətirməyən aktiv kimi qızıla maraq azalır. Bazar iştirakçıları həm də Yaxın Şərqdəki geosiyasi gərginliyin enerji qiymətlərindəki təsirini və bunun inflyasiyaya necə yansıyacağını yaxından izləyir.
Azərbaycan bazarında da qızılın qiyməti dünya tendensiyalarına uyğun olaraq dəyişir. Hazırda ölkəmizdə 999 əyyar təmiz qızılın 1 qramı 248,09 AZN civarında ticarət olunur.