Mərkəzi Bankın baş direktoru Şahin Mahmudzadə Qazaxıstana işgüzar səfəri çərçivəsində VIII “Astana Finance Days” konfransında iştirak edib. O, “Daha güclü maliyyə bazarları üçün regional əməkdaşlıq” mövzusunda keçirilən müzakirə panelinin iştirakçılarından biri olub.
Baş direktor Mərkəzi Bank tərəfindən maliyyə sabitliyinin möhkəmləndirilməsi və dayanıqlılığının artırılması istiqamətində həyata keçirilən təşəbbüslərdən bəhs edib. Eyni zamanda, regional əməkdaşlığın artırılması istiqamətində potensial həll yollarından danışıb və regionun inkişafı üçün ortaq təşəbbüslərin vacibliyini vurğulayıb.