Süni intellekt texnologiyalarının maliyyə sektorunda sürətli tətbiqi tənzimləyicilərin diqqətini artıq məhsuldarlıqdan sistem risklərinə yönəldir.
Maliyyə Sabitliyi Şurasının rəhbəri və İngiltərə Bankının sədri Endryu Beyli süni intellektdən istifadə olunan kiberhücumların qlobal maliyyə sistemi üçün ciddi təhlükə yarada biləcəyi barədə xəbərdarlıq edib.
Əsas risklərdən biri süni intellektin kiberhücumların həm sürətini, həm də miqyasını əhəmiyyətli dərəcədə artırmaq imkanına malik olmasıdır.
Bundan başqa, bankların və digər maliyyə şirkətlərinin az sayda iri süni intellekt və bulud infrastrukturu təminatçısından asılılığı sistem risklərinin bir neçə şirkətdə cəmləşməsinə səbəb ola bilər.
Tənzimləyicilərin narahatlığı gələcəkdə banklar və fintech şirkətləri üçün süni intellekt sistemlərinə dair daha sərt risk idarəetməsi, stress-test və kibertəhlükəsizlik tələblərinin tətbiqinə gətirib çıxara bilər.