Azərbaycan Mərkəzi Bankının sədri Taleh Kazımov ilk dəfə Beynəlxalq Hesablaşmalar Bankının (BIS) İsveçrənin Bazel şəhərində keçirilən 95-ci illik toplantısında iştirak edib.
BBN.az xəbər verir ki, sədr bunu “X” sosial şəbəkəsindəkəsində bildirib.
“Toplantı çərçivəsində qlobal maliyyə sabitliyi, innovasiya və rəqəmsal təhlükəsizlik, eləcə də monetar siyasətə dair aktual məsələlər müzakirə olundu və bu mövzularda dəyərli fikir mübadiləsi aparıldı. Tədbir zamanı bir sıra mərkəzi bank rəhbərləri ilə ikitərəfli görüşlər keçirdik. Bu görüşlərdə mərkəzi banklar arasında potensial əməkdaşlıq imkanları və regional iqtisadi trendlər müzakirə edildi. Qarşılıqlı anlayış və təcrübə mübadiləsi maliyyə sistemimizin dayanıqlı inkişafına mühüm töhfə verir”, – deyə Kazımov bildirmişdir.
